TÁÝELSІZDІK TÝRALY PІKІR: Tatý eldiń tútini túzý

ASTANA. QazAqparat - Elordada ótken Qazaq eliniń ulttyq meıramy - Táýelsizdik kúnine arnalǵan merekelik is-sharada Elbasy Nursultan Nazarbaevtyń Qazaqstan halqyna arnaǵan tereń de maǵynaly sózi barshamyzǵa ata-baba amanatynyń aýyr júgin arqalaý úshin aqyl-parasat pen kúsh-jigerimizdi aıamaı jumsaý kerektigine úlken oı tastap otyrǵany ras.KSRO-nyń qurmetti munaıshysy, «Parasat» ordeniniń ıegeri Nurlyhan Bekbosynov «Egemen Qazaqstan» gazetinde osyndaı júrekjardy pikirin bildirip otyr.

«Memleket basshysy dúıim eldiń aldynda barlyq qazaq-standyqtardyń negizgi mindeti men boljaldy baǵytyn naq-tylap berdi. Bizdiń asa qaster tutatyn basty qundylyǵymyz Táýelsizdik ekeni qandaı anyq bolsa, eldiń egemendigin saqtaý jolynda tynyshtyq pen turaqtylyq, tatýlyq pen túsinistiktiń sonshalyqty mańyzdy ekendigine basa nazar aýdartty. Halqymyzdyń úlken-kishisin jumylǵan bir judyryqtaı bolyp el erteńi úshin, keleshek urpaqtyń kemel bolashaǵy úshin bir kisideı eńbek etýge shaqyrdy. Árıne, bul tek bizge jasalǵan úndeý ǵana emes, bul mańyzdylyǵy asa salmaqty jaýapkershilik te», deıdi munaıshy.

Qoǵam aldyndaǵy, jas urpaq pen keler býyn aldyndaǵy úlken jaýapkershilikti tereń sezine otyryp, árqaısymyz Elbasy Nursultan Nazarbaevtyń únine ún qosyp, kúshine kúsh biriktirýimiz kerek dep esepteımin. Tatý eldiń tútini de túzý, alar asýy da bıik bolmaq!