Táýelsizdik saraıynda Qazaqstan halqy Assambleıasynyń 20 jyldyǵyna arnalǵan kórme ashylady

ASTANA. QazAqparat - 16 sáýirde Astanadaǵy Táýelsizdik saraıynyń kórme zalynda belgili sýretshi-dızaınerler Galına Bespalova, Jánibek Nurbekuly jáne Bahyt Býbeevanyń «Móldir boıaý - Arý jibek» atty toptamaly óner týyndylarynyń kórmesi ashylady. Atalmysh is-shara Qazaqstan halqy Assambleıasynyń 20 jyldyq mereıtoıyna oraılastyrylǵan, dep jazady astana.gov.kz.

Galına Bespalova - Pavlodar qalasynyń týmasy, Qazaqstan sýretshiler odaǵynyń múshesi. N.V. Gogol atyndaǵy Almaty kórkem ýchılışesiniń kórkem-pedagogıkalyq bólimin támamdaǵan. Sýretshi-dızaıner shyǵarmashylyǵynyń birqatar bóligi sýly boıaý tehnıkasynda oryndalǵan akvarel bolyp tabylady.

Sonymen qatar, G. Bespalovanyń jumystarynda batık tehnıkasy erekshe oryn alady.

Toptamanyń jıyntyǵy qazaqtyń ulttyq naqyshyn qoldaný negizinde oryndalǵan. Onyń jumystary Qazaqstan, Belarýs, Germanııa, Reseı, Frantsııa, Túrkııa, Izraıl elderiniń jeke toptamalarynda qoıylǵan.

Kórme qonaqtary sýretshi Jánibek Nurbekuly men onyń jubaıy, dızaıner-sánger Baqyt Býbeevanyń shyǵarmashylyǵymen tanysýǵa múmkindik alady. Olar Almaty qalasyndaǵy J. Nurbekulynyń kartınalarynda tabıǵattyń ásem kórinisi, qazaq halqynyń dástúri asa sheberlikpen beınelengen.