Táýelsizdik kúni: Shveıtsarııa Prezıdenti Qazaqstan halqyna baq-bereke men amandyq tiledi

ASTANA. QazAqparat - Memleket basshysynyń atyna ulttyq merekemiz - Qazaqstan Respýblıkasynyń Táýelsizdik kúnine oraı hattar men jedelhattar kelip tústi, dep habarlaıdy Aqordanyń baspasóz qyzmeti.

Shveıtsarııa Konfederatsııasynyń Prezıdenti Alen Berse óziniń quttyqtaý jedelhatynda Qazaqstan halqyna baq-bereke men amandyq tilep, eki el arasyndaǵy senimge negizdelgen ári dostyq qarym-qatynastardy odan ári damytýǵa nıettestik bildiredi.

Sonymen qatar, ózderiniń jedelhattarynda Iordanııa Koroli ІІ Abdalla, Shvetsııa Koroli Karl Gýstav, Oman Sultany Kabýs ben Saıd, Vetnam Sotsıalıstik Respýblıkasynyń Prezıdenti Ngýen Fý Chong, Malaızııa Joǵarǵy bıleýshisiniń orynbasary Sultan Nazrın Mýızzýddın Shah Qazaqstan halqyna beıbit ómir jáne baq-bereke tileıdi.