Táýelsizdik kúni qarsańynda Qazaqstanda 399 km jol paıdalanýǵa beriledi

ASTANA. QazAqparat - Táýelsizdik kúni qarsańynda elimizde respýblıkalyq mańyzy bar 399 km jol paıdalanýǵa beriledi, dep habarlady QR IDM baspasóz qyzmeti.

Sonyń ishinde, Ortalyq-Shyǵys dálizi boıynsha 100 km, onyń 33 km I tehnıkalyq sanatqa jatady, 4 jolaqty tsement-beton jabyndysy tóselgen;

- Ortalyq-Ońtústik dálizi boıynsha Almaty-Qapshaǵaı ýchaskesinde 62 km jol. Tsemen-beton jabyndysy tóselgen, I tehnıkalyq sanatqa jatady, 4 jáne 6 jolaqty;

- Kókshetaý-Petropavl ýchaskesi boıynsha Soltústik Qazaqstan oblysy boıynsha 30 km, II tehnıkalyq sanatqa jatady asfaltbeton jabyndysy tóselgen;

- Almaty-Óskemen avtojoly boıynsha Taldyqorǵan jáne Qapshaǵaı arasyndaǵy 53 km aıaqtaldy;

- Taskesken-Baqty avtojoly boıynsha 80 km. II tehnıkalyq sanatqa jatady, asfaltbeton jabyndysy tóselgen;

- Omby-Pavlodar-Maıqapshaǵaı avtojoly boıynsha Omby men Pavlodar arasyndaǵy sońǵy 59 km aıaqtaldy;

- Jezqazǵan-Petropavl avtojolynda Sátpaev qalasyn aınalyp ótetin uzyndyǵy 15 km joldyń qurylysy aıaqtalady;

Atalǵan ýchaskelerdegi jumystar belgilengen merzimde oryndaldy. Qurylys jumystaryna jańa tehnologııalar qoldanyldy. Paıdalanylǵan materıaldardyń 90%-y otandyq ónim. Sonymen birge atalǵan ýchaskeler 5 jyl boıy merdigerdiń kepildiginde bolady. Osy aralyqta qandaı da bir aqaýlar paıda bolsa, ony merdiger kompanııa óz esebinen jóndeıdi.