Táýelsizdik kúni qarsańynda 42 áskerı qyzmetshi marapattaldy

NUR-SULTAN. QazAqpart - Elimizdiń basty merekesi – Qazaqstan Respýblıkasynyń Táýelsizdik kúni qarsańynda Qorǵanys mınıstrliginde saltanatty jıyn ótti. Bul týraly QazAqparat QM baspasóz qyzmetine silteme jasap habarlaıdy.

28 jyl buryn Qazaqstan egemendi damý jolyn bastady. Osy jyldar ishinde elde eleýli memlekettik ózgerister boldy. Eldiń qarqyndy damýynyń mańyzdy faktory Qarýly Kúshter boldy. Búginde olar elimizdiń egemendigi men memlekettiń aýmaqtyq tutastyǵyn qorǵaýda.

Táýelsizdik kúnine oraı QR Prezıdentiniń Jarlyǵymen 42 áskerı qyzmetshi áskerı boryshyn úlgili atqarǵany, batyldyǵy men qaısarlyǵy úshin memlekettik nagradalar men gramotalar tabys etildi. Osyndaı sandaǵy áskerı qyzmetshiler alǵash ret marapattaldy. Marapatqa sondaı-aq Arys qalasyndaǵy tótenshe jaǵdaılar saldaryn joıýǵa qatysqandarda usynyldy. Bir kúnde de toqtatylmaǵan jumystar barysynda áskerı qyzmetshiler joǵary kásibılik tanytty, is júzinde táýekelmen ushtasqan áskerı jaǵdaılarda jumys istedi. Marapattalǵandardyń ishinde qaza bolǵan maıor Amanjol Aqyshev bar.

Sonymen qatar, Qarýly Kúshterdiń barlyq áskerı bólimderi men quramalarynda saltanatty is-sharalar ótip, úzdik áskerı qyzmetshiler marapattaldy.