Táýelsizdik kúni atyraýlyqtar «Elbasy joly» fılmin tamashalady

ATYRAÝ. QazAqparat - Atyraýda Táýelsizdik merekesiniń qurmetine «Elbasy joly» fılmi kórsetildi. Qurmanǵazy atyndaǵy mádenıet úıinde ótken kınofılm kórsetilimin 200-ge jýyq kórermen tamashalady, dep habarlaıdy QazAqparat óńirlik kommýnıkatsııalar qyzmetine silteme jasap.

Kórermender fılmdi kórgennen keıingi áserlerimen bólisti.

«Sol kezdegi tarıhı jaǵdaı, Elbasynyń Astana aýysqan kezdegi basty baǵdary qandaı boldy, qandaı qıyndyqtar kezdesti -  sonyń bárin fılmnen kórdik.  Astana - XX - XXI  ǵasyrlardaǵy salynǵan álemdegi biregeı elorda, ádemi de jaıly qala. Fılm arqyly  Elordanyń qalaı salynyp, qalyptasqanyna kýá boldyq», - deıdi Atyraý qalasynyń turǵyny Maıra Taýkeeva. 

Fılmniń alǵashqy kórsetilimine qatysqan Atyraý oblysynyń ákimi Nurlan Noǵaev ta jyly pikir bildirdi. 

«Bul týyndyda jańa Astana salynǵan kezdegi barlyq qıynshylyqtar, osy joldaǵy Elbasymyzdyń qol jetkizgen tabystary jaıly aıtylady. Men kınofılmnen keremet áser aldym, onyń bárin sózben jetkizý múmkin emes. Memleket basshysynyń astanany aýystyrý týraly sheshimi alysty boljaǵan óte aqyldy qadam boldy, búgingi Astana - álem astanalary arasynda eń ádemi, zamanaýı elorda retinde belgili. Bas qaladaǵy sáýletti ǵımarattardy Atyraýda da salý josparda bar. Ýaqyt taýyp, osy kórsetilimge kelgen barshańyzǵa alǵys aıtamyn, fılm óte qyzyq boldy», - dedi oblys ákimi Nurlan Noǵaev.