Táýelsizdik kezeńinde 1800-den astam aýrýhana men emhana salyndy - Prezıdent

NUR-SULTAN. QazAqparat – Táýelsizdik kezeńinde 1800-den astam aýrýhana men emhana salyndy. Bul týraly Táýelsizdiktiń 30 jyldyǵyna arnalǵan saltanatty is-sharada QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Densaýlyq saqtaý ulttyń básekege qabiletin arttyratyn mańyzdy salanyń biri retinde jańa deńgeıge kóterildi. Táýelsizdik kezeńinde 1800-den astam aýrýhana men emhana salyndy. Elordamyzda medıtsına klasteri quryldy. Qomaqty ınvestıtsııanyń arqasynda farmatsevtıka salasynda mańyzdy qadam jasaldy. Halyqtyń ortasha ómir súrý uzaqtyǵy 71,4 jasqa jetti», - dep atap ótti QR Prezıdenti.

Qasym-Jomart Toqaev koronavırýs indetine qarsy otandyq vaktsına jasap shyǵarylǵanyna da toqtaldy.

«Bul jetistik ulttyq medıtsına ǵylymynyń áleýeti zor ekenin kórsetti. Medıtsına qyzmetkerleriniń áleýmettik jaǵdaıyn jaqsartýǵa, qoǵamdaǵy mártebesin kóterýge basa mán berilip jatyr. Olardyń jalaqysy jáne qosymsha tólemaqysy kóbeıtilýde», - dedi Memleket basshysy.