Táýelsizdik qarsańynda aqtaýlyqtar baspanaly boldy
Saltanatty sharaǵa Mańǵystaý oblysynyń ákimi S. Trumov qatysyp, bir top azamatqa jańa páterlerdiń kiltin tabystady.
Jaldamaly baspana alǵandardyń qatarynda túrli sanattaǵy turǵyndar adamdar bar. Respýblıkalyq bıýdjet qarajatyna satyp alynǵan 268 páter turǵyndarǵa arendalyq baspana berý erejesine sáıkes, jekeshelendirý quqyǵynsyz beriledi.
«QR Tuńǵysh prezıdenti, Elbasy N.Nazarbaev «Prezıdenttiń bes áleýmettik bastamasy» atty halyqqa úndeýinde «Árbir otbasyna baspana alýdyń jańa múmkindikterin berý» kerektigin basyp aıtqan bolatyn. Osy oraıda Mańǵystaý oblysynda qarqyndy jumys atqarylyp jatyr. Aqtaý qalasy - turǵyn úı qurylysy boıynsha Respýblıkada kósh bastap turǵan qalalardyń qatarynda. Máselen, qalada 2017 jyly 380,3 myń sharshy metrdi quraıtyn, 51 kóp qabatty turǵyn úı qoldanysqa berilse, 2018 jyly 661,5 myń sharshy metrdi quraıtyn, 61 kóp qabatty turǵyn úı paıdalanýǵa berilgen. 2019 jyldyń qańtar-qyrkúıek aıynda 448,4 myń sharshy metr, ıaǵnı 2 849 páter paıdalanýǵa berildi. Sonymen qatar, jeke qarajat esebinen bıyl jyl sońyna deıin taǵy 72, 2 myń sharshy metr, qoldanysqa beriledi«, - dedi oblys ákimi Serikbaı Trumov.
Búgingi tańda «Nurly jer» baǵdarlamasy aıasynda 19A shaǵynaýdanynda 144 páterlik 2 arendalyq turǵyn úı, «Aqqý-3» shaǵynaýdanynan 670 páterlik nesıelik turǵyn úı qurylysy júrgizilýde. Bul úılerdi 2020 jyldyń aıaǵynda paıdalanýǵa berý josparlanǵan.
Sonymen qatar, 2020 jyly 19A shaǵynaýdanynan 225 páterlik bes turǵyn úı, 18 shaǵynaýdannan 216 páterlik tórt turǵyn úı salynady dep boljanyp otyr.