«Táýelsizdik dáýiri» kitaby uly isterdi eske túsirdi - Vladımır Bojko

ASTANA. QazAqparat - Táýelsizdik jyldarynda Ult kóshbasshysy áleýmettik-saıası sıpattaǵy qandaı qaterlerge tótep bergeni aıqyn kórinip tur. Bul týraly QR Prezıdentiniń «Táýelsizdik dáýiri» kitabyn talqylaý boıynsha QHA ǵylymı-sarapshylyq keńesiniń otyrysynda Májilis tóraǵasynyń orynbasary Vladımır Bojko málim etti, dep habarlaıdy QazAqparat.

«Bul  kitapty oqyǵan kezde birqatar estelikter esime tústi. Osy oraıda «Táýelsizdik dáýirinen» Táýelsizdik jyldarynyń bas kezinde Elbasy men jalpy elimiz basynan ótkergen qıyndyqtar aıqyn kórinis tapqan. Bul tarıhı eńbekti oqyǵannan keıin, «uly ister alystan jaqsy kórinedi» degen obektıvti ári oryndy pikirdi aıqym keledi», - dedi Vladımır Bojko. 

Sonymen qatar ol ótken jıyrma jyldan astam ýaqyttan keıin, Táýelsizdiktiń bastapqy kezeńinde sheshimin tapqan problemalardyń qanshalyqty qıyn bolǵanyn aıqyn sezinip otyrǵanyn sóz etti.

«Ótken jyldardy taǵy bir zerdelep shyqsaq, bizdiń elimizdiń damýy jolynda Elbasy Qazaqstan halqyn áleýmettik-saıası sıpattaǵy qandaı qaterlerden alyp ótkenin aıqyn sezine bastaısyń. Bul turǵyda ekonomıkalyq, áleýmettik ári saıası baǵyttardaǵy qaýipterdi eńsere aldyq. Degenmen de bundaı qıyndyqtar ydyraǵan Odaq quramyndaǵy burynǵy elderge aýyr tıgenin bilemiz», - dedi Vladımır Bojko.