Táýelsizdik alǵan 30 jyl ishinde Mańǵystaý halqynyń sany eki ese ósti
Bul týraly Qazaqstan Repýblıkasynyń Strategııalyq josparlaý jáne reformalar agenttigi Ulttyq statıstıka bıýrosy Mańǵystaý oblysy boıynsha departamentiniń baspasóz qyzmeti málimdedi.
Búginde Mańǵystaý oblysynda 724 777 adam turady. Onyń ishinde qalada 290560 (40,1%) adam, aýylda 434217 (59,9%) adam. QR Strategııalyq josparlaý jáne reformalar agenttigi Ulttyq statıstıka bıýrosy Mańǵystaý oblysy boıynsha departament basshysy Rımma Óteshevanyń aıtýynsha, 2020 jyldyń 1 sáýirimen salystyrǵanda halyq sany 20302 adamǵa, ıaǵnı 2,9%-ǵa ósti.
«Jyl basymen salystyrǵanda halyq sany oblystyń barlyq aýdandarynda óskeni baıqalady. Aqtaý qalasy turǵyndarynyń sany 2605 adamǵa artty. Sondaı-aq Ómirzaq selosynda 59, Túpqaraǵan aýdanynda 325, Munaıly aýdanynda 976, Jańaózen qalasynda 758, Beıneý aýdanynda 279, Mańǵystaý aýdanynda 153, Qaraqııa aýdanynda - 51 adamǵa ósti», - dedi Rımma Ýtıýsheva.
Bıyl qańtar men naýryz aralyǵynda dúnıege kelgender sany 5350 adamdy qurady. Bul ótken jylmen salystyrǵanda 4856 adamǵa kóp. Týýdyń jalpy koeffıtsıenti 1000 adamǵa 29,72 týylǵandardy qurady.