Táýelsiz eldiń tarıhı jeńisi

atyraý. qazaqparat - 2016 jylǵy maýsymnyń 28-i táýelsiz Qazaqstan úshin el ómirindegi erekshe mańyzdy data retinde tarıhta qalatyny anyq. Kúni keshe Qazaqstan Respýblıkasy Azııa toby memleketteriniń atynan Birikken Ulttar Uıymynyń Qaýipsizdik Keńesiniń 2017-2018 jyldarǵa turaqty emes múshesi bolyp saılandy. Nıý-Iorkte BUU Bas Assambleıasynda ótken daýys berýdiń nátıjesinde daýys berýge qatysqandardyń arasynan 138 memleket Qazaqstannyń kandıdatýrasyn qoldady. Al qazaqstandyq ótinimniń jalǵyz básekelesi - Taıland Koroldigi úshin 50-den astam memleket daýys bergen bolatyn.

Osy tarıhı oqıǵa jóninde «Atyraý» gazeti jergilikti jurtshylyqtyń pikirin jarııalady.

Keshendi  damýǵa  dańǵyl  jol

 Qazaqstan - TMD sheńberinde, tipti, álemde dese de bolady jańa Elordasyn salǵan tuńǵysh memleket. Elbasynyń kóregendigi men erik-jigeriniń nátıjesinde Qazaqstan álemde taǵy da tuńǵysh ret ıadrolyq qarýdan óz erkimen bas tartty. Al, kúni keshe ǵana Orta Azııa elderi arasynda tarıhta alǵash bolyp,  Birikken Ulttar Uıymy Qaýipsizdik keńesiniń 2017-2018 jyldarǵa ýaqytsha músheligine saılanyp, memleketimizdiń abyroıy asqaqtaı tústi. Bul - dáýir tynysyndaǵy tarıhı oqıǵa,  Astana kúni merekesi qarsańynda qazaqstandyqtarǵa jasalǵan úlken syı. Osy bir batyl qadamnyń nátıjesinde  elimizdiń saıası ómiri jańartylyp, túbegeıli ózgerister jasalady.

  Jalpy, memlekettiliktiń barlyq ınstıtýttary qurylyp, ekonomıkamyz naryqtyq jolǵa tústi. Al, kúlli álemniń qaýipsizdigin qadaǵalaıtyn bul keńeske múshe bolý álemdik ekonomıkadaǵy keleńsiz úderisterdiń údeýine jol bermeýge ǵana emes, sonymen birge, taıaý onjyldyqta elimizdi keshendi damytýǵa jol ashady. Bul - jahandyq qaýipsizdik pen beıbitshilikti ustaný jónindegi jaýapkershilikti kóteretin uıym.

  Qazaqstannyń BUU Qaýipsizdik Keńesiniń quramyna kirýi - elimizdiń álem aldyndaǵy bedelin bıiktetip,  abyroıyn arttyrady.Bul Qazaqstan tarıhyndaǵy aıtýly oqıǵa. Qaýipsizdik Keńesinde búkil adamzat qaýymyna baılanysty ózekti máseleler sheshiletin bolady. 

Ermekqalı ıÝSÝPOV,
Qazaqstannyń «Aq jol» Demokratııalyq partııasy  
oblystyq fılıalynyń tóraǵasy,  
Atyraý oblystyq máslıhatynyń depýtaty.

Ónegeli  istiń  órisi

  Qazaqstan táýelsiz damý jolyna túskeli  memleketimiz tolyq qalyptasyp, álemdik arenada óziniń orny bar elge aınaldy. ıAdrolyq qarýdan bas tartý, Azııadaǵy ózara yntymaqtastyq  jáne senim sharalary jónindegi  Keńesti shaqyrý, Álemdik dinder lıderleriniń sezderin ótkizý, Tájikstandaǵy, Aýǵanstandaǵy, Iraktaǵy antıterrorlyq kúreske jáne bitimgershilik mıssııalaryna qatysýy jáne Eýropadaǵy Qaýipsizdik jáne Yntymaqtastyq Uıymynyń  Sammıtin laıyqty ótkizý - mańyzdy bastamalarymyzdyń, Qazaqstannyń táýelsizdiginiń tikeleı nátıjesi. Al, BUU Jarǵysy boıynsha jahandyq qaýipsizdik pen beıbitshilikti saqtaýǵa ókilettengen eń mańyzdy saıası organnyń quramyna tarıhta birinshi bolyp saılanýymyz Qazaqstannyń dúrdarazdyq pen qaıshylyǵy mol álemde el men eldi bitistirýge, kelisimge shaqyrýǵa, halyqtardy jaqyndastyrýǵa baǵyttalǵan saıasatynyń kezekti bir márte moıyndalýy. Qaı memleket bolmasyn onyń damýynda mundaı qadamdardyń orny erekshe.

Maqsot KARIN,
Qyzylqoǵa aýdandyq
ardagerler keńesiniń tóraǵasy. 

Belester  bıikteı  beredi

  Bul barsha qazaq­standyqtar úshin qýa­nyshty da tarıhı oqı­ǵa boldy. BUU-daǵy daýys berýge qatys­qan­­­dar­dyń arasynan 138 mem­lekettiń Qazaq­­s­tan­nyń kandıdatý­ra­syn qoldaýy eli­miz­diń álem­dik saıası arena­da­ǵy salmaǵyn art­ty­ra túsedi. Munyń ózi beı­bit­­  qatar ómir súrý saıasatyn ustana otyryp, tynysh­tyq­tyń tuǵyryn bekitetin baıandy bastamalar jasap kele jatqan El­ba­synyń salıqaly saıa­satynyń arqasy.

  Qazaqstannyń BUU-nyń Qaýip­sizdik Keńe­siniń quramyna turaq­ty emes múshe bolýy - sóz joq tarıhı jeńis. Elimizdiń, Elbasynyń jeńisi. Bizdiń elimiz - Ortalyq Azııadaǵy BUU Qaýipsizdik Keńesiniń quramyna saı­lanǵan tuńǵysh memleket. Bul jeńiske jetý jolynda Qazaq eli kóp eńbektendi. Jaǵymdy jańalyq­ty óńirdegi túrli ulttar men ulys ókil­deri de qýana qabyldady.

  «Elimiz osynaý zor senimniń úde­sinen shyǵyp, Qazaqstannyń álem­dik arenadaǵy abyroıy asqaq­taı túserine kámil senemin!»  deıdi bizdiń Prezıdentimiz. Kim Qazaqstandy óz Otanym dep súıetin bolsa, sol úshin bul úlken mártebe dep esepteımin.

Aıkúmis QYDYRBAEVA,
H.Dosmuhamedov atyndaǵy Atyraý memlekettik ýnıversıtetiniń professory, fılologııa ǵylymdarynyń kandıdaty