Taýdan tıýbıngpen syrǵanaǵan kezde qandaı saqtyq sharalaryn saqtaǵan jón

<p>ÓSKEMEN. KAZINFORM — Shyǵys Qazaqstan oblysynyń qutqarýshylary taýdan stıýbpen (<em>tıýbıng) </em>syrǵanaǵan kezde qandaı qaýipsizdik sharalaryn saqtaý kerektigin túsindirip berdi.</p>

Tıýbıngpen syrǵanaý qyzyq qana emes, asa qaýipti. Al eger qar kóshkini qaýpi bar aımaqqa barsańyz jaǵdaı odan saıyn ýshyǵa túsedi.

Osy rette ShQO tótenshe jaǵdaılar departamentiniń qyzmetkerleri qaýipsizdik sharalaryn eskertti:

— Syrǵanaýǵa tek arnaıy jabdyqtalǵan jáne kóshkin qaýpi joq oryndardy tańdańyz;
— Stıýbpen syrǵanaǵan kezde tramplınderden saq bolyńyz. Muzdy nemese qarsyz jerlerge túsýge bolmaıdy;
— Tik turyp nemese tizerlep otyryp syrǵanamańyz. Sondaı-aq qozǵalys kezinde tıýbıngten sekirip ketpeńiz;
— Tıýbıngti qarshanaǵa, avtokólikke jáne basqa da kólik quraldaryna baılamańyz;
— Stıýbti shamadan tys júkteýge bolmaıdy. Eger ol bir adamǵa arnalǵan bolsa, onda oǵan eki adam otyrmas kerek;
— Eshqandaı jaǵdaıda tıýbıngterdi bir-birine baılamańyz;
— Syrǵanaýdy balalar jaqsy kórgendikten ata-analar asa muqııat bolýǵa tıis.

Balalarǵa syrǵanaqta qalaı júrý qajettigin túsindirip, jaraqat almas úshin olardy jalǵyz jibermeý kerek.