Taýarlyq gaz óndirisin 30 mlrd tekshe metrge jetkizýdi josparlaýdamyz – mınıstr
«Gazdy tutyný jyl sanap ósýde. Bizdiń mindet - 2030 jylǵa qaraı taýarlyq gaz óndirisin 30 mlrd tekshe metrge deıin jetkizý. Eger gazdy elektr energııasyn óndirýge barynsha paıdalansa, onda halyqty gazben qamtýda jetispeýshilik týyndaýy múmkin. Sondyqtan, birinshi kezekte halyq qajettiligin óteýdi qarastyramyz», - dedi Bolat Aqsholaqov Úkimet otyrysynan keıin BAQ ókilderiniń saýalyna jaýap bere turyp.
Mınıstrdiń aıtýynsha, elimizde gazben jumys isteıtin birneshe energetıkalyq kásiporyn bar.
Buǵan deıin mınıstr Bolat Aqsholaqov gaz qostyrýdyń qymbattyǵyn moıyndaǵan edi.
«Shynymen de, birqatar óńirde gazǵa qosylý qunynyń joǵary ekendigi baıqalady. Qazirgi ýaqytta Qazaqgaz ben ergilikti ákimdikter birlesip, bul máseleni qarastyryp jatyr, qosylý qunyn tómendetýge qatysty birneshe usynys bar. Búgin Almaty oblysynyń ákimi júrgizilgen is-sharalardyń arqasynda qosylý qunyn eki esege tómendetýge múmkindik bolǵanyn aıtty. Óıtkeni, shyndyǵynda da quny óte joǵary. Qazir ony qalaı tómendetý kerektigine qatysty nusqalardy qarastyryp jatyrmyz», - dep jaýap berdi Bolat Aqsholaqov.
Foto ashyq derekkózden