Taýarlardyń ulttyq katalogynda qandaı málimetter bar
12:47, 12 Tamyz 2021
NUR-SULTAN. QazAqparat - Saýda mınıstrliginiń alqa májilisinde «Taýarlardyń ulttyq katalogy» jobasyn ázirleý týraly aıtyldy, dep habarlaıdy QazAqparat tilshisi.
Atalǵan vedomstvonyń vıtse-mınıstri Ásel Janasovanyń sózine qaraǵanda, Taýarlardyń ulttyq katalogynyń jobasyn ázirleý «Qazaqtelekom» AQ-men birlesip júrgizilip jatyr. Jobanyń maqsaty - naryqqa qatysýshylar úshin taýardyń tsıfrlyq pasportyn usyný.
«Búginde 2021 jylǵy 1 qazannan bastap áleýmettik mańyzdaǵy azyq-túlik taýarlaryn kodtaý boıynsha pılottyq jobany ótkizý boıynsha ádistemelik usynymdar bekitildi, sondaı-aq ınterfeıs maketi ázirlendi».
Vıtse-mınıstr óz baıandamasynda katalogta medıa kontent, salmaq-kólem jáne basqa da tutyný sıpattamalary bar taýarlardyń tsıfrlyq kóshirmeleri qamtylatynyn, al 2021 jyldyń sońyna deıin katalogta 30 000 taýar túri qoljetimdi bolatynyn aıtty.