Taýarlardy tańbalaý men qadaǵalaý zańdy bızneske zor múmkinshilik ashady
"Aqsha-kredıttik jaǵdaıdyń qatańdaýy aıasynda ınvestıtsııalyq saıasat úshin keńistiktiń turaqty túrde qysqarýy baıqalady. Osyǵan baılanysty bizge birlese otyryp, jańa ósim kózderin izdeýde jáne qoldanystaǵylardyń tıimdiligin arttyrýda yntymaqtastyqty kúsheıtý qajet. Osy turǵyda EAEO keńistiginde taýarlardy tańbalaý men qadaǵalaý júıesin engizý ózekti bola túsýde", - dedi birinshi vıtse-premer.
Onyń atap ótýinshe, búgingi kúni Eýrazııalyq ekonomıkalyq odaqta taýarlardy tsıfrlyq tańdaýlaý men qadaǵalaýdy júzege asyrý úshin qajetti quqyqtyq negiz qalyptasqan. Máselen, 2017 jyly Qazaqstanda iske qosylǵan teri buıymdaryn tańbalaýdyń ilki jobasy qazirdiń ózinde aıtarlyqtaı nátıje kórsetip, salyq túsimderin 40 paıyzǵa arttyrǵan.
"Іske qosylǵan protsester Qazaqstan ekonomıkasyna da áserin tıgizedi. Ásirese, Qazaqstan ekonomıkasyndaǵy kontrafaktiler kóleminiń 1 paıyzǵa qysqarýy zańdy bıznes úshin keńistikti bosatyp, tek bólshek saýdanyń ózinde 100 mln dollardyń taýary zańdastyrylady. Bizdiń maqsatymyz bireý - taýar aınalymyn arttyrý jáne zańdy naryq qurý, kólegeıli ekonomıka kólemin qysqartý, básekelestik sharttaryn teńestirý, EAEO aıasynda bıznes júrgizý", - dedi Asqar Mamın.