Taýarlardy kedergisiz ótkizý úshin para alǵan kedenshiler kúdikke ilindi

NUR-SULTAN. QazAqparat – Shyǵys Qazaqstan oblysynda keden organdarynyń qyzmetkerleri para alý faktisi boıynsha kúdikke ilindi. Bul týraly QR Sybaılas jemqorlyqqa qarsy is-qımyl agenttiginiń apparat basshysy Qýanysh Japaqov málim etti, dep habarlaıdy QazAqparat tilshisi.

«Sonymen qosa, turǵyndardy halyq tutynatyn taýarlarmen qamtamasyz etýmen baılanysty kásipkerlik qyzmetke kedergi keltirý faktileri de bar. Shyǵys Qazaqstan oblysy boıynsha Memlekettik kirister departamentiniń keden organdarynyń birqatar laýazymdy tulǵalaryn áshkereledi. Olar aldyn ala kelisý arqyly baqylaý-ótkizý beketi arqyly halyq tutynatyn taýarlardy kedergisiz ótkizý úshin kásipkerlerden birneshe ret júıeli túrde para alǵan», - dedi Q. Japaqov onlaın brıfıngi barysynda.

Budan bólek, tótenshe jaǵdaı kezinde Semeı qalasynda júrýge kólikterge 5 arnaıy ruqsat berý úshin 25 myń teńge kóleminde para alǵan «Semeı qalasynyń kásipkerlik bólimi» MM-niń bas mamany áshkerelendi.