Taýarlar kontrabandasymen aınalysqan transulttyq qylmystyq toptyń 22 múshesi sottaldy - QR Bas prokýratýrasy
Bul týraly QR Bas prokýratýrasynyń baspasóz qyzmeti habarlady.
Bas prokýratýranyń arnaıy prokýrorlary tergegen osy qylmystyq is boıynsha quramynda 4 shekara qyzmetkeri bar Qazaqstan men Qyrǵyzstannyń 22 azamaty sotqa berildi, olar shekara arqyly halyq tutynatyn taýarlardy zańsyz tasymaldaǵan. Osy topty a.j. sáýir aıynda 14 júk avtokóligimen shekarany zańsyz kesip ótken kezde shekara qyzmeti ustady.
Saraptama qorytyndysy boıynsha, halyq tutynatyn taýarlardyń kedendik quny 162 mlrd. teńgeni qurady. Kontrabandalyq taýarlardyń barlyǵyna tyıym salyndy.
Úsh aıdan astam ýaqyt boıyna birinshi satydaǵy sotta eki prokýror memlekettik aıyptaýdy qoldap, uıymdasqan qylmystyq top músheleriniń kinásin dáleldedi.
Mamandandyrylǵan aýdanaralyq áskerı sottyń 2015 jylǵy 24 shildedegi úkimimen sottalýshylar ártúrli merzimdegi jazaǵa sottaldy. Zattaı aıǵaq retinde tanylǵan halyq tutynatyn taýarlary bar 14 júk avtokóligi memleket kirisine tárkilendi.