Taýarlar kodyn izdeýdiń onlaın-servısi iske qosyldy
«Kedendik rásimdeýdi júrgizý kezinde mańyzdy protsesterdiń biri kedendik tólemderdi esepteý, tarıftik jáne tarıftik emes retteý sharalaryn aıqyndaý, lıtsenzııalar alý úshin paıdalanylatyn taýarlardyń kodyn naqtylaý bolyp tabylady. Taýardyń durys kodyn tańdaý – kedendik rásimdeýdiń jyldam ótýiniń kepili. Taýar kodyn durys anyqtamaý kedendik tólemder men salyqtardy durys eseptemeýge ákelýi múmkin, bul syrtqy ekonomıkalyq qyzmetke qatysýshynyń bedeline teris áser etedi jáne ákimshilik jazaǵa ákelýi múmkin», - dep jazdy vedomstvodan.
Qazaqstan Respýblıkasy Qarjy mınıstrliginiń Memlekettik kirister komıteti qyzmetin syrtqy ekonomıkalyq qyzmetke qatysýshylarǵa barynsha yńǵaıly etýge sharalar qabyldaýda.
Osy maqsatta búgingi kúni keden.kz siltemesi boıynsha syrtqy ekonomıkalyq qyzmetke qatysýshylarǵa syrtqy ekonomıkalyq qyzmet taýarlar nomenklatýrasynyń kodyn izdeýdiń onlaın-servısi usynyldy. Bul servıs ózekti bolyp tabylady jáne ony odan ári jańartý Eýrazııalyq ekonomıkalyq komıssııanyń sheshimderi negizinde júzege asyrylatyn bolady.