Taýardy qaıta óńdeıtin kásipkerlerge memqyzmet kórsetý merzimi qysqardy

ASTANA. QazAqparat - Taýarlardy qaıta óńdeıtin kásipkerlerge memlekettik qyzmetter kórsetý merzimi qysqartyldy, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.

«Qabyldanǵan normatıvtik-quqyqtyq aktilerdiń qorytyndysy boıynsha kórsetiletin memlekettik qyzmetti usyný merzimderin 23 jumys kúnnen 8 jumys kúnge deıin qysqartyldy. Kórsetiletin memlekettik qyzmetti tolyǵymen elektrondyq formatqa kóshirildi. Qujat formasy QR Keden kodeksine sáıkes keltirýde aqparattyq júıe pysyqtaldy jáne 2018 jylǵy 29 jeltoqsanda «E-lıtsenzııalaý» portalynda «Taýarlardy keden aýmaǵynda/aýmaǵynan tys qaıta óńdeý jáne ishki tutyný úshin jeńil, taý-ken metallýrgııa, hımııa, farmatsevtıka, aǵash óńdeý salalarynda, sondaı-aq mashına jasaý jáne qurylys ındýstrııasynda qaıta óńdeý sharttary týraly qujat berý» jónindegi kórsetiletin memlekettik qyzmetiniń avtomattandyrylǵan bıznes-protsesi iske qosyldy», - delingen habarlamada.

Mınıstrliktiń málimetinshe, bul kórsetiletin memlekettik qyzmet taýarlardy EAEO keden aýmaǵynda/aýmaǵynan tys qaıta óńdeýdi iske asyratyn kásipkerlerge taýarlardy kedendik áketý jáne ákelý bajdaryn tólemeı taýarlardy ákelýge jáne áketýge múmkindik beredi.

QR Úkimeti 2018 jyly 28 maýsymda qaýly qabyldady. Ol taýarlardy EAEO kedendik aýmaǵynda/aýmaǵynan tys jáne ishki tutyný úshin qaıta óńdeýdiń sharttary týraly qujattardyń nysandaryn jáne taýarlardy EAEO kedendik aýmaǵynda/aýmaǵynan tys qaıta óńdeý jáne ishki tutyný úshin qaıta óńdeýdiń sharttary týraly qujatty toltyrý men berý, qaǵıdalaryn ózgertýdi kózdeıdi.

Mınıstrlik 2018 jylǵy qyrkúıekte № 671 «Jeńil, taý-ken metallýrgııa, hımııa, farmatsevtıka, aǵash óńdeý ónerkásibi salalarynda, sondaı-aq mashına jasaý jáne qurylys ındýstrııasynda taýarlardy Keden aýmaǵynda/ aýmaǵynan tys óńdeý jáne ishki tutyný úshin óńdeý sharttary týraly qujat berý» memlekettik kórsetiletin qyzmet standartyn bekitý týraly» QR Investıtsııalar jáne damý mınıstriniń mindetin atqarýshynyń 2015 jylǵy 10 qyrkúıektegi № 906 buıryǵyna ózgerister men tolyqtyrý engizý týraly» QR Investıtsııalar jáne damý mınıstriniń buıryǵy qabyldady. Onda memlekettik qyzmetti kórsetý merzimderin jáne memlekettik qyzmet kórsetýdi elektrondyq formatqa aýystyrý kózdelgen.