Taýar satatyn ınternet-resýrstar «saýda obektilerine» teńestirilmek

<p>Elimizde taýar satý maqsatynda paıdalanylatyn ınternet-resýrstar &laquo;saýda obektilerine&raquo; teńestirilmek. Bul týraly Májilistiń Ekonomıkalyq reforma jáne óńirlik damý komıtetiniń otyrysynda Saýda jáne ıntegratsııa vıtse-mınıstri Qaırat Balyqbaev aıtty, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.&nbsp;</p>

«2023 jyldyń 6 aıynda Onlaın saýdaǵa qatysty tutynýshylardyń elektrondyq saýda segmentine shaǵymdarynyń sany 2021 jylǵa qaraǵanda 400 paıyz ósti. Osyny eskere otyryp, zań jobasymen sharttarda tutynýshylardyń quqyqtary men zańdy múddelerin buzatyn jáne olarǵa qysym jasaıtyn talaptaǵa jol bermeýdi bekitý, sondaı-aq quqyqtyq olqylyqtardy joıý, atap aıtqanda, taýarlardy satý maqsatynda paıdalanylatyn ınternet-resýrstardy «saýda obektilerine» teńestirý usynylady», - dedi Qaırat Balyqbaev «Tutynýshylardyń quqyqtaryn qorǵaý týraly» zań jobasynyń jáne oǵan ilespe zań jobasynyń tanystyrylymy barysynda.

Onyń atap ótýinshe, bul óz kezeginde bıznes sýbektilerin ÁQBtK 193-babynyń 1-bóligi boıynsha ákimshilik jaýapkershilikke tartýǵa múmkindik beredi.

«Sonymen qatar zań jobasynda quqyq qoldaný praktıkasy men tutynýshylardy quqyqtyq qorǵaýdyń nátıjesine áser etetin ártúrli túsindirmeleri bar birqatar quqyqtyq olqylyqty, normany joıý usynylady», - dedi vıtse-mınıstr.