Taý-ken salasyndaǵy ınvestıtsııanyń 85% munaıly óńirlerge baǵyttalǵan

ASTANA QazAqparat –Taý-ken salasyna salynǵan 2,7 trln teńge ınvestıtsıanyń 85%-y munaıly óńirlerge baǵyttalǵan, dep habarlaıdy QazAqparat Finprom.kz silteme jasap.

«Qazaqstandaǵy barlyq kúrdeli ınvestıtsııalardyń úshten biri taý-ken ónerkásibine baǵyttalady. Bul segmenttegi búkil ınvestıtsııanyń 85%-y munaı men gaz óndiretin óńirlerge tıesili.

Taý-ken ónerkásibi men kenish qazý salasyndaǵy ınvestıtsııalar kólemi qańtar-tamyz aralyǵynda 2,7 trln teńge boldy. Bul ótken jyldyń sáıkes kezeńimen salystyrǵanda 16,1% artyq», - dep jazady Finprom.kz.

Naqtyraq aıtsaq, Atyraý oblysyna 1,6 trln teńge, Aqtóbe oblysyna 335,9 mlrd teńge, Mańǵystaý oblysyna 198,6 mlrd teńge jáne Batys Qazaqstan oblysyna 175,3 mlrd teńge ınvestıtsııa baǵyttalǵan.

«Taý-ken ónerkásibi men kenish qazý salasyndaǵy negizgi kapıtalǵa salynǵan ınvestıtsııalardyń 90%-ǵa jýyǵy bıznestiń óz qarajaty esebinen qamtamasyz tartylady. Bıylǵy qańtar-tamyz aralyǵynda bul kórsetkish 2,4 trln teńge bolyp otyr. ıAǵnı, 2021 jylǵy kórsetkishpen salystyrǵanda 9,2% artyq», - delingen saraptamada.