Taý-ken metallýrgııa salasyn Qazaqstan ekonomıkasynyń basym sektory retinde moıyndaý týraly usynys jasaldy

ASTANA. 6 shilde. QazAqparat - Astanada keshe ótken Taý-ken metallýrgııa kesheni jumyskerleriniń ІІІ sezi barysynda oǵan qatysýshylar QR Prezıdenti N. Nazarbaevtyń atyna Úndeý joldady.

Onda Qazaqstannyń taý-ken metallýrgııasyn 2012-2014 jyldardaǵy ekonomıkanyń basym sektory retinde qarastyrý týraly usynys jasaldy.  Bundaı usynys Sez jumysynyń qorytyndysyna oraı qabyldanǵan qararda da qamtyldy.

 Budan bólek, Sezd ınvestıtsııalyq jobalarǵa qoldaý kórsetý men memlekettik qoldaýlardy jetildire túsýdi qosa alǵanda, Údemeli ındýstrııalyq-ınnovatsııalyq damý memlekettik baǵdarlamasynda qamtylǵan mindetterdi oryndaýǵa kúsh-jigerdi jumyldyrýǵa shaqyrady.

Sonymen qatar, Sezdiń qararynda Qazaqstannyń taý-ken metallýrgııasyn odan ári damytýdyń birqatar keshendi máseleleri týraly da aıtylady. Atap aıtqanda, taý-ken metallýrgııa kásiporyndary qaýymdastyǵynyń osy salada eńbek etetin jumysshylar Kásipodaǵymen birlese otyryp, daǵdarys jaǵdaılarynda kásiporyndardyń ornyqty jumysyn qamtamasyz etýge jáne jumysshylar ornyn saqtaýǵa baǵyttalǵan damý strategııalaryn ázirlep, qabyldaý týraly usynystar qamtylǵan.