Tatý-tátti birlikte ómir súreıik - Dımash Qudaıbergen
«Bárimiz bir shańyraqtyń astynda ómir súremiz! 1 mamyr -yntymaq, birlik kúni qutty bolsyn!!! Túrimiz basqa tiregimiz bir, Júzimiz basqa júregimiz bir - tatý-tátti birlikte ómir súreıik!!!», - dep jazdy ánshi óziniń jeke paraqshasyna .
Óz kezeginde qytaılyq jankúıerler Dımashqa jyly kıinip júr, kóbirek tamaq ish, ózińdi kút dep keńes berdi jáne ánshini saǵynǵandaryn, onyń Qytaıǵa kelýin taǵatsyzdana kútip júrgenderin jetkizdi.
Eske sala ketsek, Dımash Qudaıbergen MTV Music Awards syılyǵyna usynyldy jáne jaqynda aqyn, fılologııa ǵylymdarynyń kandıdaty, Eýrazııa ulttyq ýnıversıtetiniń «Teleradıo jáne PR» kafedrasynyń dotsenti Ońaıgúl Turjan qytaılyq fanattar erekshe qyzyǵýshylyq tanytqan «Dımash» atty kitapty jaryqqa shyǵardy. Onda Dımashtyń bala kezdegi ómirge kózqarasy,ánshilik sheberligin ushtaýy, ata-anasynan boıǵa sińirgen qasıetteri, «Singer» baıqaýy men qytaı kórermenderiniń ózindik erekshelikteri týraly aıtylǵan.