Tátti tosyn syı: Astana kúnine oraı 50 myń balmuzdaq tegin taratyldy
Shara Astana qalasynyń ákimdigi men qostanaılyq «Novyı den» saýda tańbasynyń uıymdastyrýymen ótti.
«Qala merekesine oraı osyndaı tátti tosyn syı jasaýdy Astana qalasynyń ákimdigine usynǵan bolatynbyz, ákimdik óz tarapynan qoldaý bildirip, mine búginde turǵyndar men qonaqtarǵa tátti syı jasaýdamyz. Ásirese búldirshinderdiń qýanyshynda shek joq. Jalpy qostanaılyq «Novyı den» saýda tańbasy Qazaqstan naryǵynda 15 jyldan astam ýaqyt jumys istep keledi, ótken jyly Elbasynyń qatysýymen bizdiń zaýytta balmuzdaq daıyndaý boıynsha jańa jeli iske qosylǵan bolatyn», - dedi «Novyı den» saýda tańbasynyń Astana qalasy boıynsha ókildiginiń dırektory Dmıtrıı Strekalov.
Tegin balmuzdaq Báıterek monýmenti janynda alańǵa jınalǵan halyqtyń bárine taratylýda. Sonymen qatar Báıterek alańynda «The Spirit of Astana» atty halyqaralyq zamanaýı etnıkalyq mýzykalar festıvalide ótýde.
«Bala-shaǵamyzben kontsert tamashalaýǵa kelgenbiz, qarasaq tegin balmuzdaq taratylýda, balalarymyzben birge táttiden bizde aýyz tıdik. Uıymdastyrýshylarǵa raqmet, ásirese kishkentaılar qýanýda, bulda bir merekege jasalǵan jaqsy syı», -dedi qala turǵyny Aısulý Bekbergenova.