Tatarstandaǵy prezıdent laýazymy raıs dep ózgertiledi

QAZAN. TASS-QazAqparat – Tatarstan memlekettik keńesi (parlamenti) birinshi oqylymda respýblıka konstıtýtsııasyna qoldanystaǵy aımaq basshysy Rýstam Mınnıhanovtyń ókilettik merzimi aıaqtalǵannan keıin prezıdent laýazymynyń ataýyn ózgertýdi kózdeıtin túzetýler jobasyn qabyldady, dep habarlaıdy QazAqparat TASS agenttigine silteme jasap.

Tatarstandaǵy eń joǵary laýazym ataýy «Tatarstan Respýblıkasynyń basshysy – raıs» bolady.

«Tatarstan Respýblıkasynyń raısy» degen qysqartylǵan nusqany da paıdalaný múmkindigi kózdelip otyr. Eń joǵary laýazymǵa jańa ataý bere otyryp, respýblıkamyzdyń qazirgi prezıdenti Rýstam Nurǵalıuly Mınnıhanov prezıdent bolyp saılanǵanyn túsinemiz. Osyǵan baılanysty usynylǵan zań jobasynda ótpeli erejeler bar, oǵan sáıkes zań jobasynda kózdelgen jańa ataý Tatarstan Respýblıkasynyń jańadan saılanǵan joǵary laýazymdy adamyna ǵana qoldanylatyn bolady, - dedi parlamenttiń memlekettik qurylys jáne jergilikti basqarý komıtetiniń tóraǵasy Albert Habıbýllın.

Zań jobasyn qabyldaýǵa 78 depýtat daýys berdi, al úsheýi qarsy boldy.

Rýstam Mınnıhanov 2020 jyly Tatarstannyń prezıdenti bolyp saılandy. Onyń merzimi 2025 jyly aıaqtalady.

Foto: Evgenıı Bııatov/ POOL/ TASS