Tatarstanda túrki halyqtarynyń dástúrli mádenıetine qatysty konferentsııa ótedi
07:30, 05 Tamyz 2016
ASTANA. QazAqparat - 2017 jyldyń sáýir aıynda Tatarstan astanasy Qazan qalasynda «Almaǵaıyp álemdegi túrki halyqtarynyń dástúrli mádenıeti» atty І halyqaralyq ǵylymı-tájirıbelik konferentsııa ótedi.
Halyqaralyq túrki akademııasynyń baspasóz qyzmetiniń habarlaýynsha, jıynda kóteriletin negizgi taqyryptar - túrki halyqtarynyń dástúrli mádenıetiniń búgingi ahýaly, zerttelýi, pánaralyq aspektileri, túrkilerdiń folklory men mýzykasy bolmaq.
Konferentsııaǵa ǵylymı qyzmetkerler, bilim berý qurylymdarynyń oqytýshylary jáne aspıranttar qatysady.
Tatarstan Respýblıkasy Mádenıet mınıstrliginiń qoldaýymen ótetin ǵylymı jıyn aıasynda dóńgelek ústelder, semınarlar men master klasstar ótkizý josparlanǵan.