Tatarstanda turǵyn úıdegi gaz jarylysynan bir adam qaza tapty

QAZAN. Tatar-ınform-QazAqparat – Zelenodolsk qalasyndaǵy turǵyn úıdiń toǵyzynshy qabatynda gaz jaryldy. Eki qabatta birneshe páter qıraǵan, dep habarlaıdy QazAqparat Tatar-ınform agenttigine silteme jasap.

Tatarstannyń TJ qyzmetiniń málimetinshe, Lenın kóshesindegi kóp qabatty turǵyn úıde gaz-aýa qospasy jarylǵany týraly habar saǵat 22.44-te túsken.

Turǵyndar qaýipsiz jerge shyǵaryla bastaǵan. Sońǵy derek boıynsha, úıdiń jetinshi qabatynda alty páter, 8-qabatynda bir páter qıraǵan.

Saǵat 23.27-de qaza tapqan er adamdyń denesi tabyldy. Úıindilerdiń astynan bir áıel qutqarylyp, dárigerlerge tapsyryldy.

TJM dereginshe, 50 páterden turatyn turǵyn úı 1974 jyly paıdalanýǵa berilgen.

Keıinirek toǵyzynshy qabatta gazdyń jarylýynyń saldarynan úsh adamnyń zardap shekkendigi habarlandy.

«Er adam men áıel adamnyń jaǵdaıy ortasha, ómirlerine qaýip tónip turǵan joq. Taǵy bir áıel aýyr jaǵdaıda jansaqtaý bóliminde jatyr», dep málimdedi Tatarstannyń DSM baspasóz qyzmetinen.