Tatarstanda qazaqstandyq taýarlar saýdalanbaq

QAZAN. QazAqparat - Qazan qalasynda «Reseı - Islam álemi: KazanSummit-2019» ІH Halyqaralyq ekonomıkalyq sammıti aıasynda qazaqstandyq kásipkerlerdiń saýda-ekonomıkalyq mıssııasy ótti. Bul týraly QazAqparat Atameken UKP baspasóz qyzmetine silteme jasap habarlaıdy.

Mıssııa sheńberinde qazaqstandyq kompanııalar reseılik áleýetti seriktesterimen kezdesip, taýar aınalymy boıynsha kelisimder jasaldy.

Saýda-ekonomıkalyq mıssııaǵa qatysýshylardyń arasynda - júgeri taıaqshalary men jarma ónimderin shyǵarýshy qaraǵandylyq kompanııa «Income company» JShS bar. Kompanııanyń ónimderi Qazaqstannyń barlyq qalalarynda satylymda, endi qaraǵandylyq kásipkerler Reseı naryǵyna shyǵýdy kózdep otyr.

«Income company» JShS ókilderiniń pikirinshe, Qazan qalasy kórshi el naryǵynda bıznes bastaý úshin qolaıly qala.

«Jer kartasyna qaraıtyn bolsaq, Qazan qalasy Reseıdiń birneshe basty magıstrali torabynda ornalasqanyn kórýge bolady. Osy jerden Máskeýge, eldiń batysyna jáne basqa da mańyzdy baǵyttarǵa shyǵýǵa bolady», - dep josparymen bólisti «Income company» JShS óńirlik damý jónindegi jetekshisi Rýstam Nafıkov.

Qazanda ótken kelissózder sońynda 4 reseılik dıstrıbıýterlik kompanııa qazaqstandyq kompanııamen kelisimshart jasaýǵa daıyndyǵyn bildirdi. Osy kelisimderden soń qaraǵandylyq ónim jergilikti saýda núktelerinde satylymǵa qoıylmaq.