Tatarstan jáne Qazaqstan jastary yntymaqtastyq týraly kelisim jasasty
14:02, 02 Tamyz 2018
ASTANA. QazAqparat - Tatarstan Halyqtar dostyǵy úıinde Tatarstan Respýblıkasy Halyqtarynyń jastar assambleıasy men Qazaqstan Halqy Assambleıasynyń janyndaǵy respýblıkalyq «Jarasym» jastar uıymy yntymaqtastyq týraly shartqa qoly qoıdy, dep habarlaıdy «QazAqparat» HAA kazembassy.ru-ǵa silteme jasap.
«Jarasymnyń» tóraǵasy Tımýr Jumyrbaev bastaǵan delegatsııa Qazanda 1-5 tamyz aralyǵynda ótken VIII Búkilálemdik tatar jastary forýmyna oraı Tatarstanǵa bardy.
Qazaqstandyq qonaqtar Tatarstannyń ulttyq saıasat salasyndaǵy qyzmetimen tanysyp, óz tájirıbesin bólisti.
Jalpy «dóńgelek ústel» barysynda ózara yntymaqtastyq perspektıvalary talqylanyp, tıisti kelisimderge qol qoıyldy.