Tatarstan men Qazaqstannyń energetıkalyq kompanııalary tájirıbe almasady

NUR-SULTAN. QazAqparat – QR Energetıka mınıstrligi Tatarstan Respýblıkasynyń «Jelilik Kompanııa» aktsıonerlik qoǵamy men qazaqstandyq «Samuryq energo» jáne «KEGOC» kompanııalarynyń ókilderimen energetıkalyq ınfraqurylymdy damytý máseleleri boıynsha kezdesý ótkizdi, dep habarlaıdy QazAqparat tilshisi.

Bul týraly vedomstvonyń baspasóz qyzmeti habarlady.

«Kezdesý barysynda «Jelilik Kompanııa» AQ Tatarstan Respýblıkasynyń elektr jelileri keshenin tsıfrlandyrýdaǵy tájirıbesi men jetistikterin tanystyrdy.

Óz kezeginde QR Energetıka vıtse-mınıstri búgingi tańda Qazaqstanda «Aqyldy jeli» tehnologııasyn engizý tujyrymdamasyn ázirleý boıynsha jumys júrgizilip jatqanyn, sonyń aıasynda Tatarstan Respýblıkasynyń tájirıbesin zerdeleýge bolatynyn atap ótti.

Sonymen qatar, kezlesý barysynda Qazaqstannyń múddeli kásiporyndarymen kezdesýler uıymdastyrý, ári qaraı tájirıbe almasý jáne salany damytý maqsatynda jumys tobyn qurý boıynsha usynystar aıtyldy», -delingen mınıstrliktiń málimetinde.