Tasjoldaǵy velosporttan Azııa chempıonaty: Qazaqstan qos medal jeńip aldy

<p>ASTANA. KAZINFORM - Almatyda tasjoldaǵy velosporttan Azııa chempıonatynda ander jáne elıta satysyndaǵy qyzdar arasynda toptyq jarys ótti, dep habarlaıdy federatsııanyń&nbsp;<a href="https://olympic.kz/ru/article/30700-kazakhstan-zavoeval-dve-medali-na-chempionate-azii-po-velosportu-na-shosse" target="_blank" rel="noopener">baspasóz qyzmeti</a>.</p>

Qazaqstandyq ander qyzdar 112,6 shaqyrymdy júrip ótti. El namysyn Aqpeıil Ósim, Bota Batyrbekova, Vıoletta Kazakova, Elızaveta Sklıarova qorǵady. Nátıjesinde Aqpeıil chempıon atandy. Oǵan qashyqtyqty baǵyndyrý úshin 2 saǵat 56 mınýt 51 sekýnd qajet boldy. Jarystyń kúmis júldesi ındonezııalyq Devıka Sovaǵa buıyrsa, úzdikter «úshtigin» taǵy bir qazaqstandyq sportshy Sklıarova túıindedi.

«Armanym oryndaldy, men óz jeńisimdi ata-anama arnaımyn», - dedi máreden keıin A.Ósim.

Elıta qatarynda elimizdiń namysyn Rınata Sultanova, Mahabbat Úmitjanova, Marına Kýzmına, Faına Potapova jáne Anjela Soloveva qorǵady. Alaıda qazaqstandyq qyzdardyń eshqaısysy bul joly jeńis tuǵyryna kóterile almady. Veloshabandozdarymyzdan úzdik shyqqan Soloveva jetinshi orynnan kórindi.