Tasmanııa aralynda kıtter jappaı qyrylyp jatyr
14:04, 22 Qyrkúıek 2020
NUR-SULTAN. QazAqparat – Aýstralııadaǵy Tasmanııa aralynyń batys jaǵalaýynda 270-ke jýyq kıt taıaz sýda qalyp qoıǵan. Saldarynan olardyń 90-y óldi, dep habarlaıdy QazAqparat euronews-ke silteme jasap.
Ǵalymdar qyrylǵan sútqorekti janýarlardyń sany kóbeıetinine alańdap otyr. Jergilikti teńizdegi tabıǵatty qorǵaý qyzmetiniń qutqarýshylary dúısenbi kúni Makkýorı múıisinde kıtterdiń úsh tobyn anyqtaǵan. 200-ge jýyq kıt qumdy sýy taıaz jerge shyǵyp ketken. Tiri qalǵan kıtterdi qutqarý boıynsha kúrdeli operatsııanyń birneshe kúnge sozylatyny kútilip otyr.
Kıtterdiń Tasmanııa jaǵalaýyna qalaı kelgeni belgisiz. Olardy qutqarý jumystaryna 40 mamannan qurylǵan komanda jumyldyryldy. Aral bıligi kómekshileriniń jetkilikti ekenin aıtyp, jurtshylyqty oqıǵa ornynan alys júrýge shaqyrdy.