Tasqyn sýdan zardap shekken tólebılikterge gýmanıtarlyq kómekter kelip jatyr

TÓLEBI. QazAqparat- Sý tasqyny zardabyn tartqan tólebılik turǵyndarǵa da gýmanıtarlyq kómek kelýde. Tótenshe jaǵdaıdan keıin taýly aýdanǵa Túrkistan oblysynan alǵash bolyp Maqtaaral men Saıram jurtshylyǵy kómek qolyn sozdy, dep habarlaıdy QazAqparat tilshisi.

Atap aıtqanda, Saıram aýdany 6 gazelmen quny 7 mln teńgeni quraıtyn 10 tonna kómek jetkizse, Maqtaaral aýdany ózderiniń 10 tonna kómekterimen keldi. Sozaq aýdany ákimdigi de sel saldarynan zardap shekken turǵyndarǵa 2,5 tonna azyq-túlik jetkizdi. Budan bólek, lengirlik jeke kásipker Sáken Rústemov quny 300 myń teńge bolatyn 1 tonna kúrish alyp keldi. Ortalyq sport keshenine kásipkerler, qaıyrymdy azamattar tarapynan azyq-túlikter jetkizilip jatyr. Qaıyrymdylyq jasaýdan Jambyl oblysy da shet qalmady. Kórshiles oblys munda 16 tonna azyq-túlik jıyntyǵyn jóneltip, barynsha kómek qoldaryn sozýda.
Kelgen kómekterdiń ishinde halyqtyń kúndelikti turmysyna qajetti un, kúrish, makaron ónimderi, maı, qumsheker, kartop, pııaz, sábiz, kapýsta, balalar taǵamy, gıgıenalyq jáne sharýashylyq zattary bar. Óz kezeginde túrli ıgilikti isterdiń basy-qasynda júretin erikti jastar osyndaı sátte halyqtyń janynan tabylyp, kómek-qoldaýlaryn kórsetýde.