Tasqyn sýdan tazalanǵan aýyldardy dezınfektsııalaý jumystary bastaldy

MAQTAARAL.QazAqparat - Maqtaaral aýdanyndaǵy tasqyn sýdan tazalanǵan aýyldardy dezınfektsııalaý jumystary bastaldy. Mamandar túrli juqpaly aýrýlardyń taralýyn boldyrmaý jáne ınfektsııalyq indetterdiń aldyn alý maqsatynda zalalsyzdandyrý sharalaryn qolǵa aldy, dep habarlaıdy QazAqparat tilshisi.

Oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Aldan Ahmetovtyń aıtýynsha, dezınfektsııalaý jumystary aldymen ájethanalarda júrgiziledi.
«Qazirgi tańda sýdyń deńgeıi túsken aýyldardaǵy aýlalyq ájethanalarynda zalalsyzdandyrý jumystaryn júrgizip jatyrmyz. Ázirge Ferdaýsı jáne Órgebas eldi mekenderinde profılaktıkalyq sharalardy qolǵa aldyq. Aldaǵy ýaqytta sý deńgeıi túsken basqa da aýyldarda dezınfektsııalaý jumystary jalǵasatyn bolady.

Dezınfektsııalaý jumystary munymen shektelmeıdi. Sondaı-aq, eldimekenderdegi sý uńǵymalary men aýyz sý qubyrlary da tıisti ádistermen tazartylady. Sońynda aýyz sýǵa saraptamalyq zertteý jumystary júrgizilip, tekseriletin bolady», – deıdi A.Ahmetov.

Aıta keteıik, jalpy dárileý jumystaryna «Shymkent dezınfektsııa» mekemesiniń arnaıy 6 mamany jumyldyrylǵan.