Tasqynnan zardap shekkenderdiń salyq mindettemeleri 1 shildege deıin shegeriledi

<p>ASTANA. KAZINFORM &ndash; Qarjy mınıstrligi Memlekettik kirister komıteti &laquo;Ashyq NQA&raquo; portalynda tasqynnan zardap shekken adamdardyń salyq tólemderin retteıtin buıryq jobasyn jarııalady.</p>

Komıtet usynyp otyrǵan ýaqytsha sharalar jergilikti ákimdikter tasqynynan zardap shekkenderdiń tizimine engizgen salyq tóleýshilerge ǵana qatysy bar.

Ol sharalar mynandaı:

1) tóleý merzimi 2024 jylǵy 1 naýryzdan bastap 30 maýsymǵa deıingi kezeńde jalǵasatyn, barlyq salyq pen bıýdjetke tólenetin basqa da mindetti tólemder, áleýmettik tólemder merzimin 2024 jylǵy 1 shildege deıin keıinge qaldyrý usynylyp otyr;

2) 2024 jylǵy 1 naýryzdan bastap 30 maýsymǵa deıingi kezeńde jalǵasatyn salyq eseptiligin tapsyrý merzimderi 2024 jylǵy 1 shildege aýystyrý usynylyp otyr;

3) merziminde oryndalmaǵan salyq mindettemesiniń oryndalýyn qamtamasyz etý jáne salyq bereshegin májbúrlep óndirip alý sharalaryn qabyldaý 2024 jylǵy 1 shildege deıin toqtata turý;

4) oryndaý merzimi 2024 jylǵy 1 naýryzdan bastap 30 maýsymǵa deıingi kezeńde bastalatyn, kameraldyq baqylaý nátıjeleri boıynsha memlekettik kirister organdary anyqtaǵan buzýshylyqtardy joıý týraly habarlamany oryndaý merzimin 2024 jylǵy 1 shildege deıin uzartý usynylyp otyr.

«Bul rette toqtata turý merzimi tekserý merzimine jáne talap qoıý merzimine qosylmaıdy. Merziminde oryndalmaǵan salyq mindettemelerdiń ósimpulyn esepteý 2024 jylǵy 1 naýryzdan bastap 2024 jylǵy 1 shildege deıin toqtatyla tursyn», - delingen buıryq jobasynda.

Qujat jobasy 29 sáýirge deıin ashyq talqylaýda bolady.