Tasqynnan zardap shekken ıspandyqtar korolderine tas laqtyrdy

<p>ASTANA. KAZINFORM - Ispan koroli Felıp VI men onyń áıeli Letısııa jaǵdaıdy jeke baǵalaý úshin Valensııadaǵy alapat sý tasqyny zardaptaryn óz kózimen kórý maqsatynda atalǵan qalaǵa saparmen keldi, dep habarlaıdy <a href="https://t.me/BILD_Russian/19680" target="_blank" rel="noopener">BILD</a> agenttigi.</p>

Alaıda Valensııa turǵyndary Ispan koroli men onyń zaıybyn jyly qabyldamaı, olarǵa kersinshe tas pen taıaqtar laqtyrdy. Sonymen qatar olar kómektiń tıisti deńgeıde kórsetilmeı jatqanyn aıtyp narazylyq bildirdi.

Valensııa polıtsııasy jaǵdaıdy ýshyqtyrmas úshin qosymsha sharalar qabyldady.

Aıta ketsek, Ispanııanyń ońtústik-shyǵys aýdandarynda toqtaýsyz jaýǵan jańbyrdan keıingi alapat tasqynnan Valensııa provıntsııasy, Kastılııa-La-Mancha aýdany men Andalýsııanyń shyǵysy qatty zardap shekti. Bul elde 1957 jyldanbergi eń alapat tasqyn dep baǵalanýda. Osyǵan oraı elde 3 kún aza tutý kúni jarııalandy.

Sý tasqyny saldarynan 200 adam mert boldy jáne iz-túzsiz joǵalǵandar da bar. 

Sondaı-aq elde tótenshe jaǵdaı rejımi engizilýi múmkin ekendigi aıtylýda.