Tasqynnan zardap shekken 74 turǵynǵa psıhologtyń shuǵyl kómegi qajet bolǵan

<p>ASTANA. KAZINFORM &ndash; Densaýlyq saqtaý mınıstrliginiń resmı ókili Áıgerim Orazalıeva ortalyq kommýnıkatsııalar qyzmetinde ótken brıfıngte tasqyn aýmaqtarynan dárigerlerge túsken qońyraýlar týraly málimet aıtty.</p>

«Tótenshe jaǵdaılar mınıstrliginiń jelisi boıynsha «Qyzý jeli» telefondaryna sý tasqyny bastalǵan sátten bastap 1072 qońyraý kelip tústi, 74 jaǵdaıda psıhologtardyń tarapynan shuǵyl psıhologııalyq kómek kórsetildi. Keńes alý úshin zardap shekken adamdarǵa 36 psıholog jumys isteýde.

Biz jergilikti jerlerde densaýlyq saqtaý máseleleri boıynsha baılanys ortalyqtarynyń qoldanystaǵy nómirlerin eske salǵymyz keledi. Bul nómirlerdi Densaýlyq saqtaý mınıstrligi men densaýlyq saqtaý basqarmalarynyń saıtynan jáne áleýmettik jelilerinen taba alasyzdar», - dedi resmı ókil.

Sondaı-aq, Áıgerim Orazalıeva el aýmaǵynda ınfektsııalyq epıdemıologııalyq ahýal turaqty ekenin aıtty.