Tasqynnan qorasy qıraǵan sharýalardyń ótinishi 2025 jyldyń 1 sáýirine deıin qaralady

<p>ASTANA. KAZINFORM &ndash; Premer-mınıstrdiń orynbasary Qanat Bozymbaev kóktemdegi tasqynnan qorajaıy men qoımalary qıraǵan halyqtan ótinish qabyldaý kelesi jyldyń 1 sáýirine deıin uzartylatynyn aıtty.</p>

«Egin sharýashylyǵy men mal sharýashylyǵy boıynsha tasqynnan kelgen shyǵyndardyń óteýi retinde 3,5 mlrd teńgeden astam qarajat tólendi. Sondaı-aq, tasqyn saldarynan fermerlerdiń qorajaılary men tehnıkasy búlindi. Men jergilikti komıssııalarǵa tapsyrma berdim. Osyndaı shyǵyn boıynsha túsken ótinishterdi de qarańyzdar dedim», - dedi vıtse-premer Úkimet otyrysynan keıin ótken baspasóz máslıhatynda.

Qanat Bozymbaev atalǵan tapsyrmaǵa baılanysty tamyz aıynda biz tıisti buıryqtar qabyldanǵan atap ótti.

«Qazirgi aldyn ala málimet boıynsha, agroónerkásip kesheniniń jyljymaıtyn múlikterimen, qoımalarymen, ózge de nysandarymen baılanysty shyǵyndardyń kólemi - 4,5 mlrd teńge. Biz osy ótinishterdi qarap, óteýdiń merzimin kelesi jyldyń 1 sáýirine deıin uzarttyq», - dedi Qanat Bozymbaev.