Tasqynnan qyrylǵan 13,4 myń maldyń 13 paıyzyn ózge sharýalar maldaı ótep bergen

<p>ASTANA. KAZINFORM &ndash; Tasqynda qyrylǵan mal 100 paıyz óteldi. Aýyl sharýashylyǵy mal shyǵyny qandaı tásildermen ótelgenin túsindirdi.&nbsp;</p>

- Jergilikti atqarýshy organdaryń aqparatyna sáıkes bıyl kóktemgi sý tasqynynyń  saldarynan ólgen aýyl sharýashylyǵy janýarlary sany 13 428 bas boldy, - dep jazylǵan jaýapta. 

Onyń ishinde 4 750 sıyr, 5 134 qoı-eshki, 2 233 jylqy, 34 túıe sýǵa ketken. Sondaı-aq 249 shoshqa men 1028 qus ólgen. 

- Búgingi tańda 7 oblysta 11 543 bas aýyl sharýashylyǵy janýarynyń ótemine 2 mlrd 886,1 mln teńge tólengen. Al Aqmola, Qaraǵandy jáne Batys Qazaqstan oblystarynda 1 885 bas aýyl sharýashylyǵy janýary fermerlik jáne sharýa qojalyqtarynyń áleýmettik kómek (demeýshilik) kórsetýi esebinen natýraldy túrde (malmen) óteldi. Aqshalaı ótelgen shyǵyn jergilikti bıýdjetten jáne bıýdjetten tys qarjymen tólendi. Jalpy shyǵyn 100% óteldi, - dep jazady vedomstvo mamandary. 

Keshe ǵana Qostanaıda sý tasqyny kezinde engizilgen tótenshe jaǵdaı alynyp tastalǵan edi.