Úıin tastap, ýaqytsha kóshirilgender sany 111 myńnan asty

<p>ASTANA. KAZINFORM &ndash; Tótenshe jaǵdaılar mınıstrligi azamattyq qorǵanys jáne áskerı bólimder komıtetiniń aǵa ofıtseri Erasyl Saıpash tasqyn saldarynan úıin tastap shyqqan 11 950 adamnyń baspanasyna qaıtqanyn aıtty.&nbsp;</p>

«Sý tasqyny bastalǵannan beri 111 194 adam, onyń ishinde 39 222 bala qaýipsiz jerge jetkizildi. Ýaqytsha ornalastyrý pýnkterinde 6 814 adam, onyń ishinde 2 995 bala ornalasqan. 11 950 adam úıine oraldy», - dedi ol.

Erasyl Saıpashtyń sózinshe, 9 mln 500 myńnan astam tekshe metr qar sýy soryp shyǵarylǵan. 

«Sondaı-aq, 2 mln 200 myń qap, 1 mln 200 tonna ınertti materıal tóseldi. Búgingi tańda avarııalyq qutqarý jumystarynda 33 334 adam, 4 066 tehnıka, onyń ishinde 835 sý soratyn qural, 275 júzý quraly, 11 áýe kemesi jumys istep jatyr», - dedi TJM ókili.