Tasqynnan búlingen úıge bólinetin 22 mln teńgeni qolǵa bere me – mınıstr jaýap berdi

<p>ASTANA. KAZINFORM &ndash; Ónerkásip jáne qurylys mınıstri Qanat Sharlapaev Úkimet otyrysynan keıin ótken brıfıngide&nbsp; tasqynnan búlingen úılerdi qaıta salýǵa bólinetin qarajat qalaı ıgeriletinin aıtty.</p>

«Memleket eshkimniń qolyna eshqandaı qarajat bermeıdi. Mysaly, ár adam ártúrli. Jaýapkershiligi bar adam bolady, jaýapkershiligi joq adamdar bolady. Qazirgi tańda úı salýǵa, qaıta turǵyzýǵa arnalǵan qarajatty qolǵa berse, basqa maqsatqa jumsalyp ketýi múmkin. Odan keıin qysta mundaı kisilerdi ne isteımiz, taǵy aqsha beremiz be nemese qaıta úı salyp beremiz be? Sonymen, memlekettiń sheshimi osyndaı. Tasqynnan zardap shekken ár adamnyń óz qalaýy bar. Úıin qaıta turǵyzady nemese ákimdikter qaıtalama naryqtan páter alyp beredi. Osy eki tańdaýdyń birin paıdalanýǵa bolady», - dedi ol.

Onyń aıtýynsha, jartylaı búlingen úılerdiń jóndeýge bólinetin qarajat turǵyndardyń qolyna berilýi múmkin.

«Jóndeý jumystaryn ákimdik qurylys kompanııasyna júkteı alady nemese birneshe óńirde ákimdik sheshimimen baspanany jóndeý shyǵyndaryn halyqtyń qolyna beredi. ıAǵnı, úıdi qaıta salý úshin qolǵa qarajat bermeımiz», - dedi Qanat Sharlapaev.