Tasqynmen kúreske 25 myńnan astam erikti jumyldyryldy

<p>ASTANA. KAZINFORM &ndash; Ortalyq kommýnıkatsııalar qyzmetinde ótken brıfıngide eriktilerdiń tasqynmen kúreske qalaı úles qosyp jatqany týraly málimet usynyldy.</p>

Ulttyq volonterlik jeli» memlekettik organdarmen is-qımyl bóliminiń basshysy Aıbek Dosymbetov eriktilerdiń atsalysýymen Qazaqstannyń túkpir-túkpirinen 550 tonnadan astam gýmanıtarlyq kómek jınalǵanyn aıtady.

«Búginge deıin respýblıka boıynsha 550 tonnadan astam kómek jınaldy. Onyń 370 tonnaǵa jýyǵy zardap shekkenderge jetkizildi», - dedi ol.

Al «Ulttyq eriktiler jelisiniń» halyqaralyq yntymaqtastyq jáne volonterlik bastamalardy damytý bóliminiń basshysy Gúljámılá Qamarovanyń aıtýynsha, tasqynmen kúreske respýblıka boıynsha 25 myńnan astam erikti jumyldyrylǵanyn atap ótti.

«Eriktiler gýmanıtarlyq kómekti jınap suryptaýdan bólek, tasqynmen kúresip júrgen mamandarǵa ystyq tamaq ázirleýge kómektesip júr. Eriktilerdiń bir bóligi aýlalardy qardan arshyp, halyqtyń birinshi kezektegi qajetti zattarmen, dári-dármekpen qamtamasyz etýge atsalysyp jatyr. Tasqyn qaýpi bar aımaqtarda jalǵyzilikti jáne egde jastaǵy adamdardyń kútimine kómektesýde», - dedi ol.