Tasqynnan zardap shekken óńir túlekterine 12 myń bilim granty arnaıy bólindi

<p>ASTANA. KAZINFORM &ndash; Sý tasqynynan zardap shekken 6 óńir túlekteri UBT-dan tómen ball alǵan jaǵdaıda, grant alý úshin qańtar-naýryz aılaryndaǵy UBT nátıjelerin paıdalana alady. Bul týraly Ǵylym jáne joǵary bilim mınıstri Saıasat Nurbek aıtyp berdi.</p>

16 mamyrda elimizdiń 14 óńirinde UBT-nyń negizgi kezeńi bastaldy, bes kúnde 12 myńnan astam talapker testileýden ótti.

«Tasqyn sýdan zardap shekken óńir túlekteri úshin úsh mańyzdy shara qabyldadyq. Birinshisi – negizgi UBT merzimi keıinge shegerildi, bul aımaqtarda 25 mamyr men 12 shilde kúnderi ótedi, ıaǵnı 47 kún berip otyrmyz. Ekinshisi – bıylǵy memlekettik tapsyrystyń 20 paıyzyn – 12 myń grantty arnaıy zardap shekken óńirlerge bólip otyrmyz», - dedi S. Nurbek Úkimet otyrysynda.

Úshinshi mańyzdy sheshim – sý tasqynynan zardap shekken 6 óńirde negizgi UBT-dan tómen ball alǵan jaǵdaıda olarǵa qańtar-naýryz aılaryndaǵy UBT nátıjelerin qoldanýǵa múmkindik beriledi.

«Bul sheshimder tek qana bıyl tótenshe jaǵdaıdy eskere otyryp qabyldandy», - dep eskertti Ǵylym mınıstri.