Sý tasqyny: «eGov mobile» arqyly shyǵyn ótinishin berýge bolady

<p>ASTANA. KAZINFORM &ndash; Sý tasqyny saldarynan kelgen shyǵyndardy óteýge &laquo;eGov mobile&raquo; mobıldi qosymshasy arqyly ótinish berýge bolady. Tolyǵyraq Tsıfrlyq damý, ınnovatsııalar jáne aeroǵarysh ónerkásibi mınıstrliginiń resmı ókili Albına Áten aıtyp berdi.</p>

«Mınıstrlik «eGov mobile» mobıldi qosymshasynda sý tasqyny saldarynan keltirilgen materıaldyq shyǵyndy óteý týraly ótinishterdi qabyldaýǵa arnalǵan servısti iske qosty», - dedi Albına Áten OKQ-de ótken brıfıngide. 

Mınıstrlik ókiliniń aıtýynsha, ótinishterdi qabyldaý qyzmeti sý tasqynynan zardap shekken Aqmola oblysy, Qostanaı oblysy, Atyraý oblysy, Batys Qazaqstan oblysy jáne Soltústik Qazaqstan oblysynyń barlyq azamatyna qoljetimdi. 

«eGov mobile» mobıldi qosymshasyndaǵy qyzmetti Tsıfrlyq damý, ınnovatsııalar jáne aeroǵarysh ónerkásibi mınıstrligi Eńbek jáne halyqty áleýmettik qorǵaý mınıstrligimen jáne «Ulttyq aqparattyq tehnologııalar» AQ-men birlesip ázirlegen. 

Buǵan deıin habarlaǵanymyzdaı, búgin Qazaqstanǵa avtonomdy drondar jetkizildi, erteńnen bastap olardyń kómegimen sý basqan óńirlerge azyq-túlik basqa da qajetti zattar jiberilmek.