Tasqyn sý basqan Qulsaryda «Sergek» kameralary 4 sáýirden beri óshirilip tur
Atyraý oblystyq polıtsııa departamenti ákimshilik taktıka bólimshesiniń basshysy Ǵarıfolla Taıshybaevtyń aıtýynsha, Jylyoı aýdanynda «Sergek» kameralarynyń jumysy toqtatylǵan.
«Qulsary qalasynda «Sergek» baqylaý kameralary 4 sáýirde óshirildi. Sodan beri qalada eshqandaı quqyq buzýshylyq tirkelgen joq. «Kıber-sherıf» qondyrǵysy bar avtokólikter Qulsary qalasynyń syrtyndaǵy tasjoldarda qaýipsizikti qadaǵalap júr. Tótenshe jaǵdaı kezinde tirkelgen aıyppuldar turǵyndardyń shaǵym berýi arqyly keri qaralatyn bolady. Aıyppul tóleý týraly nusqama kórsetilgen mekenjaıǵa usynylady. Turǵyndar shaǵymyn, jyldamdyqty qandaı qajettilikke baılanysty asyrǵanyn dáleldeıtin qujattardy usynýy qajet. Mysaly, bala-shaǵasyn evakýatsııalyq pýnktke shuǵyl jaǵdaıda aparǵan bolýy múmkin. Sol mekenjaı boıynsha suranys berilip, marshrýttyń sáıkestigi tekserilgen soń sheshim qabyldanady», -dedi Ǵarıfolla Taıshybaev.
Onyń aıtýyna qaraǵanda, qazir Jylyoı aýdanynda jol júrý qaǵıdasy boıynsha quqyq buzýshylyqty avtomatty túrde tirkeıtin kameralar óshirilgen. Al, beınebaqylaý jaǵdaı turaqtalǵannan keıin qosylady.
Eske sala ketelik, budan buryn Jylyoı aýdanynda 1866 otbasy bir rettik áleýmettik kómek qarjysyn alǵanyn jazǵan bolatynbyz.