Tasqyn sý barlyq sý qoımalaryn toltyrýǵa múmkindik berdi – mınıstrlik

<p>ASTANA. KAZINFORM &ndash; Bul týraly Sý resýrstary jáne ırrıgatsııa mınıstrliginiń resmı ókili Móldir Ábdýalıeva tasqyn sýdy tıimdi paıdalaný joldary týraly baıandady.&nbsp;</p>

Onyń aıtýynsha, 27 naýryzdan bastap elimizdiń soltústik, batys, ortalyq jáne shyǵys aımaqtaryndaǵy sý qoımalaryna 16 tekshe shaqyrym sý keldi.

«Qostanaı oblysynda Tobyl ózeniniń iri sý qoımalary tasqyn sýyn qaýipsiz ótkizýdi qamtamasyz etip, 92% sý jınady. Tobyl ózeninde sýdyń mol kelýi sońǵy ret 2000 jyly tirkelgen. Biraq ol kezde de mundaı qarqyndy aǵynnyń qalyptasýy bolǵan joq. Qazir eki sý qoımasy da uzaq ýaqyt boıy aımaq turǵyndaryn qajetti mólsherde sýmen qamtamasyz ete alady», - dedi spıker Respýblıkalyq aqparattyq shtabta ótken brıfıngide.

Aqmola oblysynda Astana sý qoımasyn toltyrý kórsetkishi 99,6% quraǵan. Bul jyl boıy elorda turǵyndaryn aýyz sýmen qamtamasyz etýge, sondaı-aq Esil ózeniniń gıdrologııalyq jaı-kúıin jaqsartý úshin múmkindik beredi.

«Byltyr Astana sý qoımasyndaǵy sý kólemi qalany aýyz sýmen tolyq qamtamasyz etýge jetpedi. Sondyqtan sý qoımasyn Q.Sátbaev atyndaǵy kanaldan qosymsha toltyrýǵa týra keldi. Bul qajettilikti óteý qymbatqa shyqty jáne quny 2 mlrd teńgeden asqan bolatyn», - dedi mınıstrlik ókili.

Batys Qazaqstan oblysynda Jaıyq-Kóshim sýarý júıesine sý jiberý múmkindigi paıda boldy. Shyǵys Qazaqstan oblysynda 10 sáýirden bastap, Ertis ózeniniń sý qoımalarynan sý jiberý Shiderti-Óleńti aımaǵyn tıimdi sýlandyrýǵa jáne Áýlıekól kólderin tolyqtyrýǵa múmkindik beredi.

Qaraǵandy oblysynyń sý qoımalarynda sý tasqynynyń belsendi kezeńi ótti. Qazir sý qoımalary 100% toldy. Jınalǵan sý jyl boıyna aımaq ekonomıkasynyń qajettilikterin tolyǵymen óteýge múmkindik beredi.

Ulytaý oblysynda Keńgir sý qoımasyn paıdalaný tarıhynda alǵash ret 270 mln tekshe metr kóleminde eń kóp sý jiberý jaǵdaıy tirkeldi. Osyǵan baılanysty Keńgir sý qoımasynan jiberilgen sý Sarysý ózeni arqyly Qyzylorda oblysynyń kólderine tústi.

Al Іle transshekaralyq ózeniniń aǵyny Almaty oblysynyń Qapshaǵaı sý qoımasynan Balqash kóline shamamen 2,3 tekshe shaqyrymnan astam kólemde sý jiberýge múmkindik berdi.

«Jalpy, tasqyn sýy barlyq sý qoımalaryn toltyrýǵa múmkindik berdi. Sondaı-aq, Atyraý oblysyna kelgen tasqyn sýy Kaspıı teńizine jiberiletinin, ol úshin qazir qosymsha kanal qazylyp jatqanyn qosa ketý kerek. ıAǵnı, Sý resýrstary jáne ırrıgatsııa mınıstrligi qazir sý qoımalarynda jınalǵan tasqyn sýyn utymdy paıdalaný boıynsha belsendi jumys júrgizip jatyr», - dedi M.Ábdýálıeva.