Tasqyn saldarynan qansha úı jaryqsyz otyr
«Tasqyn kezinde elektr qýatynan problema týyndaǵan 6 óńir bar ekenin bilesizder. Búginde Aqtóbe, Batys Qazaqstan oblystarynda jalpy másele tolyq sheshildi. Ol óńirlerde tek saıabaqtar men eshkim turmaıtyn, turǵyndary kóshirilgen jerlerdiń jaryǵy sónip tur. Atyraý oblysynyń Qulsary qalasynda 970 abonent elektr qýatynan ajyratylǵan. Elektr kompanııasy halyq úılerine qaıtqannan keıin jaryqty qosýǵa daıyn. Soltústik Qazaqstan oblysynda 4 myńǵa jýyq abonent tótenshe jaǵdaı salasyndaǵy áriptesterdiń talaby boıynsha ajyratylǵan. Turǵyndar qaıtyp kelgennen keıin olar da qosylady», — dedi ol Senat otyrysynan keıin jýrnalısterdiń saýalyna bergen jaýabynda.
Vıtse-mınıstr keı úılerge dızeldi generator arqyly jaryq berilip jatqanyn aıtty.
«Qostanaı oblysynyń Jangeldi aýdanynda 651 abonentte jaryq sónip tur. Onyń eki sebebi bar. Birinshiden, baǵanalardy jóndeıin desek, jol joq. Ekinshiden, halyqtyń keıbiri úılerine qaıtpaǵan. Biraq ol úılerge elektr jelisine jaýapty kompanııa men jergilikti ákimdik dızeldi generator arqyly jaryqpen qamtamasyz etip otyr. Soltústik Qazaqstan oblysynda da sondaı. Sý ketip, elektrdi qosýǵa múmkindik bolsa, tez jalǵaımyz. Al baǵanalardy jóndeý kerek bolsa, árıne, 2-3 kúnniń ishinde qosýǵa múmkindik bar. Biraq áli sý qaıtpaǵan jerler bar. Onyń bárin kúndelikti baqylaýda ustap otyrmyz», — dedi Suńǵat Esimhanov.