Tasqyn saldary mal baǵasyna áser ete me – Vıtse-mınıstrdiń jaýaby

<p>ASTANA. KAZINFORM &ndash; Aýyl sharýashylyǵy vıtse-mınıstri Amanǵalı Berdalın tasqynnyń saldaryn et pen maldyń baǵasyna qalaı áser etetini týraly pikir bildirdi.</p>

«Tasqynnyń saldary et pen maldyń baǵasyna áser ete me?» - dep surady jýrnalıst Senat otyrysynan keıin.

Aýyl sharýashylyǵy vıtse-mınıstri Amanǵalı Berdalın tasqynnan qyrylǵan maldyń sany eldegi jalpy maldyń 1 paıyzyna da jetpeıtinin aıtyp, mundaı kólem naryqqa áser etpeıtinine sendirdi.

«Joq. Bizdiń Qazaqstanda 9 mıllıonǵa jýyq iri qaramyz bar, 27 mıllıonǵa jýyq qoıymyz bar, 4 mıllıonǵa jýyq jylqymyz bar, basqasyn eseptemegenniń ózinde. Jańaǵy 12 myń bas jalpy maldyń 1 protsenti de bolmaıdy ǵoı. Sondyqtan eshqandaı áseri bolmaıdy», - dedi mınıstrdiń orynbasary.