Tasqyn ótemaqysymen baılanysty alaıaqtyq shema paıda boldy

<p>ASTANA. KAZINFORM &ndash; Іshki ister mınıstrliginiń resmı ókili Shyńǵys Álekeshev tasqyn ótemaqysymen baılanysty alaıaqtyq shema paıda bolǵanyn málim etti.</p>

«Іshki ister mınıstrligi ınternet-alaıaqtardyń jańa shemalary paıda bolǵanyn eskertedi. Ótemaqy tóleýdi kútken adamdarǵa alaıaqtar belgili bir memlekettik organnyń atynan qońyraý shalyp, tasqynnan zardap shekkenderdiń tiziminde turǵanyn rastaý úshin SMS-ten kod jazyp jiberýin usynýy múmkin.

Shyndyǵynda, osy kodtyń arqasynda alaıaqtar jábirlenýshiniń atyna kóp mólsherdegi nesıe rásimdeı alady», - dedi ol ortalyq kommýnıkatsııalar qyzmetinde ótken brıfıngide.

Sondaı-aq, ol mundaı shemalardyń qurbany bolmaý úshin ne isteý kerektigin de aıtty.

«Mynany bilý mańyzdy, memlekettik organdar men bankterdiń qyzmetkerleri eshqashan telefon arqyly qupııa derekterdi berýdi talap etpeıdi.
Zardap shekkenderge ótemaqy tóleý máseleleri tek resmı túrde sheshiledi: jeke baryp nemese resmı veb-resýrstardy paıdalaný arqyly ǵana rásimdeledi. Sms-ke keletin kodtardy eshkimge habarlaýǵa bolmaıdy.
Kúmándi siltemelerge ótýge bolmaıdy. Telefonyńyzǵa qaýipti vırýstar ótip ketse, bul alaıaqtarǵa telefon ıesiniń atynan bankt operatsııalaryn jasaýǵa múmkindik beredi», - dedi Shyńǵys Álekeshev.