Tasqyn qosqan kórshiler uıymshyldyqpen daýys berdi

<p>ORAL. KAZINFORM &ndash; <a target="_blank">Zachagansk kentinde ornalasqan kópqabatty úıde turatyn</a> tasqynnan zardap shekken turǵyndar kenttegi Álııa Moldaǵulova atyndaǵy №38 mektep-lıtseıinde ornalasqan ýchaskede daýys berdi. Topan sý kórshi qylǵan aǵaıyn osy kúni baspanany emes, el taǵdyryna qatysty máselelerge alańdaıdy. Sondyqtan bir atanyń balalaryndaı birigip, daýys berý ýchaskesine kelgen.&nbsp;</p>

– Kóktemde úıdi qaıdan alamyz dep alańdap júrgen edik. Prezıdenttiń tapsyrmasy, Úkimettiń tikeleı qadaǵalaýy, oblys basshylyǵynyń ýaqtyly atqarǵan tıisti jumysynyń arqasynda úıli boldyq. Endi eldiń máselesine aralasar ýaqyt keldi. Otbasymyzben, tasqyn tatýlastyrǵan kórshi-qolańymyzben birge daýys berýge keldik. Pikirimiz árqıly bolsa da daýsymyz mańyzdy ekeni qýantady, - deıdi Serik Esengeldıev.

Foto: BQO ákimdigi

Kóktemgi tasqyn qala turǵyny Anna Sıdorovıchti de aınalyp ótpedi. Saıajaıda ornalasqan jalǵyz baspanasynan aıyrylǵanda Annanyń alǵashynda qatty alańdaǵany ras. Alaıda oblys basshylyǵynyń iskerliginiń arqasynda jaqynda oǵan qala aýmaǵynan sý jańa baspana berildi. Jeke bastan góri eldiń máselesin joǵary qoıatyn E.Oraqbaev №23 jalpy orta bilim beretin mektepte ornalasqan saılaý ýchaskesinde daýys berdi.

Foto: BQO ákimdigi

– Búgingi AES salý týraly referendýmnyń mańyzy joǵary. Bul másele kez kelgen turǵyndy alańdatýy tıis dep esepteımin. Sebebi, jaryqsyz myna ómirdi elestetý múmkin emes, - deıdi qala turǵyny.